Dismayado ang pila ka mga vendors sa Burgos Talipapa nga wala nakabaton sang ayuda nga ginalakipan sang P3,000 nga cash kag groceries gikan sa gobyerno.
Sa pagpakig-angut sang Bombo News Team sa pila ka mga vendors sa nasambit nga merkado publiko, nangin bukas sila sa pagpalab-ot sang ila sentimyento kag ginkwestyon ang pagkadula sang ila pangalan sa listahan.
Ginpahayag ni Mercy Baquilar, fish vendor sa Burgos Talipapa, kalakip ini sa pila ka mga vendors nga dimalas nga wala malakip ang pangalan sa listahan sang makabaton sang nasambit nga ayuda.
Nakita sini nga ginlista ang iya pangalan, apang pag-abot sa pagtagtaganay na sang grasya, hinali ini nga nadula.
Nahibaluan nga wala man ini nakakuha sa 1st batch sang nagpanagtag sang ayuda ang gobyerno.
Samtang suno naman kay Tatay Delfin, isa man sa mga vendor nga wala nakabaton sang ayuda nga ginkatingala man sini nga wala siya malakip sa makaambit sang bulig.
Kun kadugayon lamang sa pagiging fish vendor ang estoryahan, pila na ini ka tuig sa nasambit nga trabaho.
Indi lamang maintiendihan ni Tatay Delfin nga nagpanghawhaw sang pangalan kag kalakip siya sa gindula sa listahan.
