Nagpatuman sang four-day workweek ang Manila International Airport Authority (MIAA), para sa pila ka personnel bilang kabahin sang tikang agud mapanubo ang operational costs sa tunga sang padayon nga tensyon sa Middle East.
Ang memorandum ginpagwa sang MIAA, nga naga-mando sa mga empleyado nga magapatuman sang apat ka adlaw nga on-site work.
Humalin Lunes tubtub Huwebes, magaubra ang mga empleyado humalin alas 8 sang aga tubtob alas 7 sang gab-i, samtang Biyernes kag Sabado naman ang rest days.
Samtang ang airport police departament, operations and compliance group, engineering kag medical services, nagpadayon sa pag-operate nga may shifting schedule.
Nahibaluan nga importante ang mga unit sa pagmonitor sang operasyon sang New NAIA Infrastructure Corporation ang pribado nga operator sang Ninoy Aquino International Airport (NAIA).
