Liwat nga magapasakop ang beauty queen nga si Michelle Dee sa international pageant stage pagkatapos nga ginkumpirma ang iya partisipasyon sa palaabuton nga Miss Grand International ukon MGI All Stars 2026.
Suno kay Dee, madamo pa siya sang ipakita sa international pageant scene kag dako ang iya pasalamat sa padayon nga suporta sang publiko.
Matandaan nga ginrepresentar niya ang Pilipinas sa Miss Universe 2023, kon sa diin nakasulod siya sa Top 10, matapos man nga nakaangkon sang Top 12 placement sa Miss World 2019.
Kaupod man ni Dee ang mga kaangay nga Filipina representatives nga sanday Alexie Brooks kag Anne Patricia Lorenzo, nga lunsay nagdaug sang Reina Filipinas titles kag nakakuha sang pwesto sa Grand All Stars competition.
Natalana nga hiwaton sa Disyembre 12 ang katapusan nga kompetisyon sang MGI All Stars 2026, kon sa diin nagalaum si Dee nga mapakita ang iya abilidad kag sa liwat mapabugal ang Pilipinas sa international pageant stage.
