Nagpanawagan ang Migrante International sa gobyerno nga mag-focus sa madamo nga oportunidad sang trabaho sa Pilipinas agud indi na mapilitan ang mga Pilipino nga mag-trabaho sa iban nga pungsod.
Ini kasunod sang ginpatigayon nga protesta sang grupo kadungan sang ikalima nga State of the Nation Address (SONA) ni Presidente Ferdinand Marcos Jr.
Sa interview sang Bombo Radyo kay Chat Dimaano, spokesperson sang Migrante International, iya ginpahayag nga padayon ang pagdamo sang mga Overseas Filipino Workers (OFWs) bangud sa kakulanngan sang maayo nga oportunidad sa trabaho kag manubo nga sweldo sa Pilipinas.
Suno pa kay Dimaano, indi dapat pagsugtan ang Pax Silica Initiative sa pungsod bangud para sa ila mas kinahanglan nga pagapasangkaron ang lokal nga industriya agud makahimo sang upotunidad para sa trabaho sang mga Pilipino.
Ginpahayag man sini nga wala nila nakita nga daku nga pagbag-o sa kahimtangan sang madamo nga Pilipino, bangud madamo sa gihapon ang nagaantos sa kapigaduhon.
Nagalaom man ini nga magpatuman ang gobyerno sang mga programa sa ekonomiya nga makahatag sang permanente nga pangabuhian sa pungsod.
