Nagpabutyag sang tampad kag suporta ang mga Militar kag political leaders sa Iran kay Mojtaba Khamenei pagkatapos nga gin-appoint siya bilang bag-o nga pinakamataas nga lider sang pungsod bilang tal-os sang iya amay, nga si Ali Khamenei, nga napatay sa una nga pag-atake sang Estados Unidos kag Israel.
Sa amo man nga tion, nagapadayon ang pagpamomba sa Iran sang Estados Unidos kag Israel, sa diin narekord ang mga paglupok sa mga syudad sang Qom kag Tehran.
Natabo ini pila ka oras matapos ang pag-atake sang Israel sa oil facilities nga nagtuga sang madamol kag makahililo nga aso sa kapital sang Iran.
Nakumpirma nga walo ka mga soldado sang Estados Unidos ang napatay sa tunga sang inaway.
Sa Saudi Arabia, duha ka tawo ang napatay sa syudad sang Al Kharj matapos ang counterattack sang Iran.
Samtang sa Lebanon, masobra tunga sa milyon ka mga tawo ang napilitan nga magpalagyo sa ila mga puluy-an samtang nagapadayon ang pagbayluhanay sang lupok sa tunga sang Israeli army kag sang militante nga grupo sang Hezbollah.
