CAPIZ – Wala sang namonitor nga aktibidad ang militar sa hulag sang CPP NPA kadungan sang ila ika-56 ka tuig nga anibersaryo.
Sa interview sang Bombo Radyo kay Lt. Col. Jay Javines, tagpamaba sang 3ID Phillipine Army, apisar wala sang cease fire nga ila ginpaguwa, nagapadayon ang monitoring sang mga militar sa ila nga mga aktibidad kapareho sang pagpangsunog sa mga equipment, pagpangilkil, kag pagpangayo sang pagkaon sa mga pumuluyo.
Dugang pa ni Javines nga bangud magamay nalang ang nabilin nga rebelde sa Isla sang Panay isa ini sa mga rason kung ngaman wala sila nakapatigayon sang mga aktibidad.
Samtang nagpanawagan naman si Javines sa mga nabilin nga rebelde nga magsungka na kag magbalik sa sabak sang gobyerno kay may ara sang mga programa nga para ila.
