ROXAS CITY – Ginpalukpan sang ginabulubanta lima ka mga katapu sang New People’s Army (NPA) ang detachment sang militar sa Barangay Katipunan, Tapaz, Capiz kaina sang aga.
Sa interview sang Bombo Radyo kay Punong Barangay Jennylyn Bilbao, ginpahayag sini nga nakasulod ang mga rebelde sa Katipunan Elementary School kag didto nagpanago antes nagpalupok sang duha ka minuto sa detachment sang militar nga yara lamang sa atubang sang nasambit nga eskwelahan.
Nahibaluan pa nga wala nagtaghol ang mga ido kag matawhay nga nakasulod ang mga rebelde sa eskwelahan bangud ginpakaon nila sang corned beef kag kan-on.
Ginkumpirma naman ni Kagawad Geronimo Loraña Jr. nga isa ka residente sa barangay nga kaupod sang mga rebelde ang nagpanugyan sa iya nga magpauli na lamang sa ila nga balay.
Sa pihak sang pagpalupok sang mga rebelde wala nagbalos ang militar bangud indi nila gusto nga madalahig ang mga residente nga yara na sa guwa sang ila nga balay.
