Opisyal na nga gin-anunsyo sang Big Hit Music, ang label nga nagadumala sang sikat nga K-pop boy band nga BTS, ang pagpahalin sa militar sang apat sa ila mga miyembro.
Sa isa ka pahayag nga ginpaguwa sang Big Hit, gin-anunsyo sini nga sanday RM, Jimin, V, kag Jungkook magatapos na sang ila mandatory military service.
Natalana nga i-discharge sanday RM kag V sa Martes, Hunyo 10, samtang si Jimin kag Jungkook naman ang iga-discharge sa masunod nga adlaw, Miyerkules, Hunyo 11.
Ang lider sang BTS nga si RM ukon Kim Nam-joon ang naka-assign subong sa 15th Infantry Division sang South Korean Army samtang si V ukon Kim Tae-hyung ang katapo sang Special Duty Team sang military police.
Sanday Park Ji-min kag Jeon Jung-kook pareho nga gin-asayn sa 5th Infantry Division sang South Korean Army.
Ang military discharge sang 4 ka BTS members ang nagakatabo sa tunga sang nagahilapit nga selebrasyon sang grupo sa ila ika-12 nga anibersaryo sa Hunyo 13.
Samtang, ginkumpirmar man sang Big Hit ang natalana nga pagguwa sa BTS rapper nga si Suga ukon Min Yoon-gi sa Hunyo 21, nga sa karon naka-assign sa non-combat role bilang isa ka social worker matapos nga indi makahimo sang regular military service bangud sa iya shoulder injury..
Samtang ginpahanumdom naman sang music label sang BTS nga Army ang mga fans sang grupo nga ang military discharge sang 4 ka miyembro sang BTS ang para lamang sa military personnel kag wala sang special events nga ginaplano sa adlaw sang ila military discharge.
