-- ADVERTISEMENT --
Nagaabot gid man sa atun nga kabuhi nga nagakatak-an na kita sa atun nga routine kaangay lamang sang isa milyonarya nga nangin dishwasher sa isa ka restaurant sa Chengdu City, Sichuan Province, China
Ini bangud natak-an na siya mangabuhi nga manggaranon.
Naglapta sa Chinese social media ang video sang amo nga babayi nga nagapanaog sa iya Bentley, suksok ang apron kag rubber boots, bag-o magsulod sa trabaho.
Suno sa Chinese media kag mga nakakakilala sa iya, tuman ini ka manggaranon apang luyag lang niya nga may ginakabusyhan siya sa adlaw-adlaw.
Mismo ang iya anak ang nagadul-ong kag nagasugat sa iya ginaubrahan.
Madamo naman ang nagdayaw sa iya bangud sa iya ginhimo.
