ROXAS CITY -Ginaimbestigahan na sang Department of Education (DepED) Capiz Schools Division ang ginpatigayon nga mini-graduation sang Maayon Elementary School nga gina-aleagr wala naga obserbar sang social distancing.
Ginpahayag ni Dr. Salvador Ochavo, Superintendent sang DepED Capiz Schools Division nga wala sang mandu gikan sa iya ang ginpatigayon nga mini-graduation sang nasambit nga buluthuan.
Suno kay Ochavo nga hugot nga ginadumilian ang face to face graduation sandig sa ginpaguwa nga memorandum sang DepED national office.
Kasunod sini, ginamanduan ni Ochavo nga magasumiter sang explaination letter ang adviser nga si Ms. Mary Joy Fabellon kag ang prinicipal sang nasambit nga
Buluthuan.
Samtang ginkompirmar ni Ochavo nga may yara sang salabton si Fabellon kag ang principal sang Maayon Elementary School sa tion nga mapamatud-an nga naglapas sila sa ginpaguwa nga memorandum sang ahensya.
Matandaan nga may nagpalab-ut sang reklamo sa Bombo Radyo natuhoy sa mini-graduation nga ginpatigayon sang Maayon Elementary School nga ginaalegar wala naga obserbar sang social distancing kag ang mga estudyante wala nagasuksuk sang facemask.
