Minimum buying price sang humay, ipatuman sa mga negosyante antes matapos ang 2025

Target sang Department of Agriculture (DA) nga ipatuman ang minimum buying price para sa mga rice traders ukon middlemen.

Plano sang ahensya nga ipatuman ini antes matapos ang 2025.

Tinutuyo sini nga mabaligya sang mga lokal nga mangunguma ang ila patubas nga humay sa nagakaigo nga presyo.

Aminado si DA Marketing and Consumers Affairs Assistant Secretary Genevieve Guevarra nga may mga negosyante nga nagabakal sang bugas sa indi makatarunganon nga presyo nga P11 ukon P12 kada kilo.

Sang nagligad nga bulan, una na nga ginpahayag ni DA Secretary Francisco Tiu Laurel Jr nga gina-imbestigaran ang mga negosyante sa 32 ka mga lugar sa Luzon bangud sa gina-alegar nga pagbakal sang bugas sa mga lokal nga mangunguma sa tuman ka manubo nga presyo.