Sa Thailand…Ginpahanumdum sang Ministry of Education ang tanan nga eskwelahan sa Thailand nga magpatigayon sang random testing sa Coronavirus-2019 ukon COVID-19 sa mga estudyante, manunudlo kag iban nga mga trabahador.
Ini kasunod sang pag-positibo sa coronavirus sang isa ka walo ka tuig nga estudyante nga nagsulod pa sa buluthuan sa Bangkok, Thailand.
May ginpatigayon man nga sanitary lecture nga ginhimo sa nagkalain lain nga eskwelahan agud matudluan ang mga bata sang proper hygiene.
Gintudluan man ang mga bata sang ensakto nga paghugas sang kamot kag paggamit sang face mask kag hand sanitizer.
Samtang ginpahanumdum naman ang mga Thai nga likawan ang pagbiyahe sa mga pungsod nga lapnagon ang COVID-19 kasubong sang China, Macao, Japan, South Korea, Taiwan kag Singapore.
