Daog ang Minnesota Timberwolves batok sa Denver Nuggets sa score nga 110-98 sa Game 6 sang ila first-round series sa NBA Play-offs.
Bisan pa madamo ang injured nga key players sang Timberwolves, nagpakita gihapon sila sang mabaskog nga performance. Nanguna sa scoring si Jaden McDaniels nga may 32 points, samtang nagdugang man si Terrence Shannon Jr. sang 24 points nga daku nga bulig sa ila pagkadaog.
Sa pihak nga bahin, ginpangunahan ni Nikola Jokic ang Nuggets nga may 28 points 10 assists kag 9 rebounds, apang naglisod gihapon ang team sa ila overall nga opensa.
Sa tion sang hampang nagkaroon man sang tensyon bangod sang insidente nga nagresulta sa technical fouls sa pila ka players.
Bangod sa sini nga kadalag-an, napaslawan sang Timberwolves ang Nuggets sa serye nga 4-2 kag naka-advance sila sa Western Conference semifinals, kun sa diin ila atubangon ang San Antonio Spurs.
