-- ADVERTISEMENT --
ROXAS CITY – Wala ginpalampuwas sa mga Filipino worshippers ang pag-abot ni Pope Francis sa Bangkok, Thailand kagab-i sa diin nagpatigayon ini sang misa.
Suno kay Bombo International Correspondent Cleo Rose Jondonero, isa ka manunudlo sa Thailand nga nagalab-ot sa 70,000 nga mga Filipino faithfuls ang nahatagan sang ticket para makatambong sa “ Holy Mass” nga ginpangunahan ni Pope Francis sa National Stadium sa central Bangkok.
Kalakip sa nahatagan sang passes ang mga Filipino Teachers nga nagatudlo sa mga Catholic Schools.
Nahibaluan nga masobra sa 90 porsyento nga mga Thai ang nagapatuo kay Buddha.
