Mabuot kag maabi-abihon! Ini ang paglaragway ni Girly Baticbatic, sa iya bayaw nga si Corporal Frederick Villasis.
Sa pagpakig-angut sang Bombo Radyo Roxas kay Baticbatic nga gin-updan ang utod nga si Shella Villasis, asawa ni Corporal Villasis, naghisterikal ang iya manghod sang nabaton ang impormasyon angut sa natabo sa iya bana.
Suno sa ginang nga indi matapos tapos ang paghilibion sang manghod kag indi na halos mahibaluan ang himoon sang nabatian ang masubo nga balita.
Ginpahayag pa ni Baticbatic nga isa na ka bulan nga wala nakapauli sa Barangay Cogon sa banwa sang Sigma si Villasis.
Apang may bes man nga gulpi lamang ini nga nagapauli kag gina-surpresa ang iya nga mag-iloy.
Samtang suno naman kay Glory Jean Vergara, barangay secretary kag tiya ni Corporal Villasis nga indi gid ini makapati sang nakalab-ot sa iya ang pagkamatay sang hinablos nga ginlaragway sini mabuot.
Nahibaluan nga ikaduha sa anum ka mag-utod si Corporal Villasis.
#OverAllNumber1saCapiz
#BASTARADYOBOMBO
