ROXAS CITY – Kritikal ang isa ka misis matapos ginaalegar nga ginbuno sang iya mister nga mangingisda sa Barangay Loctugan, Roxas City.
Ginkilala ang biktima kay Olivia Berbanio 50-anyos sang nasambit nga lugar.
Base sa inisyal nga imbestigasyon sang mga kapulisan nga nag-angkon sang pilas sa lawas si Olivia matapos nga ginbuno sang iya mister nga si Rey Berbanio 54-anyos sang nasambit man nga lugar.
Mahibaluan nga nagtuyo kuntani nga magsulod ang iya mister sa balay sang iya misis apang wala ini ginpasulod sang biktima rason nga ginbuno niya ini sang makatatlo ka beses.
Apang, matapos nga ginbuno ni Rey si Olivia gilayon man sini ginbuno ang iya kaugalingon gamit ang matalom nga hinganiban.
Bangud diri, nag-angkon man sang pilas sa lawas si Rey.
Samtang, gilayon naman nga gindala sa ospitala ang mag-asawa kag padayon sa karon nga ginabulong sa magkatuhay nga ospital.
