Gin-athag sang Miss Iloilo Organization nga indi si Jo Rubio ang designer sang gown nga gin-gamit ni Miss Universe Iloilo City Zestah Espinosa sa ginpatigayon nga evening gown category sang Miss Universe Philippines 2026.
Ini matapos nga naguwa sa screen nga si Jo Rubio ang designer sang white gown nga gamit ni Zestah sa kompetisyon.
Suno sa Miss Iloilo, desisyon ni Zestah kag sang team sini nga maggamit sang iban nga gown.
Sa subong wala pa sang ginapaguwa nga statement ang kampo sang Top 15 Finalist nga si Zestah Espinosa matapos ang kompetisyon.
Samtang, nagpagwa naman sang statement si Zestah kon sa diin ginpahayag sini nahangpan niya ang nagkalain-lain nga opinyon sang publiko, apang nagalaum ini nga magapangibabaw sa gihapon ang pag-intindihanay kag pagtahod sa tunga sang nasambit nga isyu.
