Nagpasaka sang kaso si Miss Jamaica 2025 Gabrielle Henry batok sa Miss Universe Organization may kaangtanan sa iya pagkahulog sa stage sa tion sang rehearsal para sa Miss Universe 2025 sa Thailand.
Suno sa report, gin-akusahan ni Henry ang organisasyon sang kapabayaan matapos nga ginaalegar nga nahulog ini sang halos 5 feet sa wala namarkahan kag bukas nga bahin sang entablado sang Nobyembre 19, 2025.
Ginpahayag nga nakaangkon ini sang traumatic brain injury kag pila ka pagdugo sa utok kag naospital tubtob Disyembre 10.
Bangod sang iya mga pilas, napilitan man ini nga mag-untat sa iya medical residency kag padayon nga nagapaidalom sa rehabilitation.
Samtang, ginpahayag naman sang Miss Universe Organization nga wala pa sila nakabaton sang kaangay nga kaso, apisar nga ginkumpirmar sini nga bayaran sini ang gasto sa ospital ni Henry pagkatapos sang insidente.
