Gindepensahan ni Miss Philippines Earth 2025 Top 8 Joy Barcoma ang isyu sang bullying nga gin-angot sa iya, nga nag-umpisa sa isa ka indi pagintindahanay sang siya isa pa ka estudyante sa isa ka unibersidad.
Suno sa beauty queen, nagtuhaw ang isyu matapos maglapta ang isa ka blind item sang Marso nga nagatumod sa iya.
Gin-ako man niya nga ang iya “dogshow” ukon joke sa social media posible nga nakahatag sang sala nga interpretasyon sa publiko.
Apang, ginpunto niya nga wala niya gina-tolerate ang bullying kag luyag niya nga mangin boses para sa mga naka-eksperyensya sang pagpang-abuso.
Matandaan nga nangin tiglawas sang Pilipinas si Joy sa Miss Earth 2025 kun sa diin ngatakop siya sa Top 8 kag nakilala sa social media bangud sa iya mga makalipay kag relatable nga mga post.
