Gintawag ni Miss Universe co-owner Raul Rocha nga “delusional” si Former Ilocos Sur governor Chavit Singson, matapos nga nagbuya ini sang pahayag nga indi na si Rocha kag Anne Jakrajutatip ang nagapanag-iya sang Miss Universe Organization.
Sa isa ka opisyal nga pahayag, ginpaathag sang Miss Universe Organization nga wala sang pagbag-o sa pagpanag-iya kag pagpamuno sang nasambit nga organization, kag ginakabig nga mga “sala” kag “pagpatalang” lamang nga impormasyon ang mga ginapalapta ni Chavit.
Dugang pa sang organisasyon nga indi nila pagpalampason ang sahi nga buluhaton, kag magapatigayon ang mga ini sang legal nga tikang agud mapangapinan ang ila pangalan kag reputasyon.
Ginpanugyan man sang Miss Universe Organization ang publiko nga magsalig lamang sa ila opisyal nga mga pahayag kag plataporma para sa husto kag beripikado nga impormasyon.
