Nagbuya sa titulo bilang Miss Universe Africa and Oceania si Olivia Yace sang Côte d’Ivoire, pila ka adlaw lamang matapos ini nga gin-award sa iya.
Sa isa ka pahayag sang Nobyembre 24, ginsiling ni Yace nga ginpili niya nga mag-resign agud mapabilin nga tampad sa iya nga mga ginahatagan importansya kag agud malikawan ang “diminished role” bilang continental queen.
Kadungan sini, dalayon na man sini nga gintalikdan ang tanan nga komunikasyon sa Miss Universe Organization.
Nag-abot ang iya nga desisyon sa tunga sang kontrobersiya nga “rigged” ang Miss Universe 2025 nga nagpabor kay Fatima Bosch sang Mexico, nga gina-angut sa Miss Universe Organization president nga si Raul Rocha.
Si Yace, nga fourth runner-up, ang isa sa mga paborito nga magdaog apang wala ini natabo.
Samtang, wala pa sang pahayag ang Miss Universe Organization kun sin-o ang magatal-os sa iya, kag ginkumpirma naman sang Miss Côte d’Ivoire organization nga ibalik nila ang titulo.
