Gin-anunsyo ni Miss Universe Organization (MUO) president Raul Rocha nga plano sini nga ibaligya ang iya 50% nga share sa pageant matapos ang serye sang mga kontrobersiya sa organisasyon sang nagligad nga mga semana.
Sa isa ka interview, tatlo ka adlaw pagkatapos nga ginkoronahan si Fátima Bosch bilang Miss Universe 2025 sa Bangkok,Thailand si Rocha nagsiling nga natak-an na siya sa serye sang mga kritisismo kag mga isyu nga ginahaboy batok sa Miss Universe Organization.
Suno kay Rocha, natak-an na siya maghunahuna sang tanan nga gina-alegar nga tsismis kag pagpasilabot sang mga tawo sa tanan niya nga desisyon bilang tag-iya, kag presidente sang organisasyon.
Dugang pa sini, nga ginapangita niya ang handover sang iya “baton” ukon bag-o nga tawo nga magabulos sa iya bilang tag-iya.
Nagguwa ang pahayag ni Raul kasunod sang pagbiya sa pwesto sang tatlo ka mga miyembro sang Miss Universe Organizationselection committee.
Magluwas sini, ginpahayag naman sang isa ka Miss Universe contestant nga wala na ginhingadlan nga tuman kabudlay batunon ang ginapahayag sekreto sa pagpili sang Top 30, ilabi na nga madamo nga mga kandidata ang nagdedikar sang ila tion, sakripisyo, kag bisan ikaayong lawas para sa kompetisyon.
