Miss Universe Philippines, ginpaguwa na ang petsa kag lugar para coronation night

Gin-anunsyo na sang organisasyon sang Miss Universe Philippines ang petsa kag lugar sang pagahiwaton nga coronation night.

Suno sa mga organizers, patigayunon ini sa Mayo 1 sa Mall of Asia Arena sa Pasay City.

Nahibaluan nga may kabug-usan nga 51 ka mga contestants ang magapaindis-indis agud sundon ang yapak ni outgoing queen nga si Ma. Ahtisa Manalo.

‎Pila sa mga contestants subong nga tuig ginakalakipan sang mga beterana kag mga bag-uhan sa patag sang pageant.

Ang sin-o man ang magadaug amo ang mangin tiglawas sang pungsod sa Miss Universe 2026 competition nga pagahiwaton sa Puerto Rico sa Nobyembre.