-- ADVERTISEMENT --
Nakit-an na ang nadula nga bride to be nga si Sherra de Juan sa banwa sang Sison sa probinsya sang Pangasinan.
Suno kay Quezon City Police District (QCPD) director Police Col. Randy Glenn Silvio, nakabaton sila sang report halin sa isa ka concerned citizen nga nakita nila ang babaye.
Gilayon man nga ginkadtuan sang mga pulis ang iya nobyo nga si Mark Arjay Reyes kag ang utod ni Sherra.
Dugang pa ni Silvio nga nagakalain-lain ang pahayag sang babaye rason nga naghingyo sang privacy ang iya himata.
Madumduman nga ulihi nga nakit-an si De Juan sang Disyembre 10 sa Commonwealth Avenue sang naglaong ini sa nobyo nga magabakal lamang sang sapatos nga isuksok sa ila kasal sa Disyembre 14.
-- ADVERTISEMENT --
