ROXAS CITY-Arestado ang 49-anyos nga mister matapos ginaalegar nagpangharass kag nagpamahog sa Sitio Nipa, Barangay Culasi, Roxas City.
Ginkilala ang suspek nga si Joel Borreros sang Barangay Bolo sining siyudad.
Suno sa tagreklamo nga si Sheena Villasis nga naglaong sila nga maagi ang ila salakyan sa ugsaran sang suspek apang wala sila ginpahanugotan.
Gintinguhaan pa sang iya live-in partner nga istoryahon si Borreros apang ginkaakig ini sang suspek rason nga ginsumbag ini apang maswerte naman nga wala ini maigo.
Magluwas diri, gindal-an pa sila sang amo nga suspek sang katana sa ila nga balay apang madasig naman nila nga ginsarado ang ila pirtahan.
Ginkompirmar ni Villasis nga may yara sila sang daan nga hiligut-anon sang amo nga suspek sang nagligad nga Disyembre.
Bangud diri, desidido nga magpasaka sang nagakaigo nga panumbungon si Villasis batuk kay Borreros.
Samtang, ginkompirmar naman ni Gracelyn Arrelado tiayon sang suspek ang natabo.
Nahibaluan nga yara sa idalom sang impluwensya sang makahulubog nga ilimnon ang suspek sang natabo ang insidente.
