Mister arestado matapos nga ginserbihan sang warrant of arrest sa Barangay X, Roxas City

ROXAS CITY-Arestado ang 20-anyos nga lalaki matapos nga ginserbihan sang warrant of arrest sa Alvarez Street Barangay X, Roxas City.

Ginkilala ang arestado nga si John Michael Piedad,20-anyos residente sang Luna Novicio Street Barangay II, sining siyudad.

Nagapangatubang sang panumbungon nga Acts of Lasciviousness ang amo nga persona kun sa diin ang warrant of arrest sini ang gin-issue kag ginpirmahan ni Hon. Presiding Judge Bonifacia Carmen Chuchi A. Ramos, sang MTCC Branch 3, Roxas City sadtong Nobyembre 27, 2020.

Ginrekomendar naman sang korte ang P12,000 nga piyansa para sa temporaryo nga kahilwayan sang arestado.

Sa karon, nagapabilin sa locked-up cell sang Roxas City Police Station ang amo nga persona.