ROXAS CITY – Arestado ang isa ka mister sa ginkasa nga drug buybust operation sang gintingub nga puwersa sang mga katapo sang Station Drug Enforcement Team sang Roxas City PNP kag Provincial Drug Enforcement Agency sa Sitio Ilaya, Barangay Sibaguan, Roxas City.
Ginkilala ang nadakpan nga si Michael Villanueva 39-anyos apang nakapalagyo naman ang live-in partner sini nga si Rosel Arroyo 40-anyos nga lunsay mga residente sang nasambit nga lugar.
Suno kay Police Master Sergeant Ramil Arcangeles nga namutikan sang mga suspek ang transaksyon sang mga pulis rason nga nakapalagyo si Arroyo.
Narekober naman sa posession ni Villanueva ang 5 tanan ka mga plastic sachets sang ginapatihan nga shabu, P500 nga buybust money kag pila ka mga drug paraphernalia.
