ROXAS CITY – Indi na mapunggan pa ang isa ka mistersa desisyon nga ipapreso ang duha ka bulan nga nagabusong nga misis matapos nga indi na sini masarangan ang pagsakit sa iya.
Nagdangup sa istasyon sang pulisya sa syudad sang Roxas si Christian Micheal Singh 27-anyos sang Barangay Banica, matapos indi na sini masarangan ang pagpanakit sa iya sang 24-anyos nga misis.
Wala nalikawan nga mangin emosyunal ni Christian samtang ginasaysay sa Bombo Radyo ang nangin magamo nila nga kabuhi nga mag-asawa nga nagsugod sang madulaan ini sang trabaho bangud sa epekto sang COVID-19 pandemic.
Una nga ginsakit ang biktima sang mag-away sila sang asawa sa diin ginhampak ini sang hanger, ginpukpok sang helmet kag ginhaboy sang tasa.
Masami man siya nga ginapahog sang misis nga ipahulog ang iya ginabusong gani sa kahadluk nga minatud-on ang pamahog ginabaton na lamang sini ang pagsakit sa iya.
Gin-ako man sini nga bangud sa sobra nga pagpalangga sa asawa, wala na niya ginabatuan ang nagabusong nga misis, apang bangud sobra na nga ginapakanubo ang iya nga pagkatawo rason nga pasakaan na niya ini sang kaso para mahatagan sang hustisya ang natabo sa iya.
