ROXAS CITY – Ginbuno sang54-anyos nga mister ang kaugalingon nga misis sa sulod sang ila balay sa Barangay Loctugan, Roxas City antes ginbuno ang kaugalingon.
Kritikal subong sa ospital ang biktima nga si Olivia Berbaño matapos nag-angkon sang tatlo ka pilas sa lawas kasunod sang pagbuno sa iya sang mister nga si Rey Berbaño, isa ka fish vendor.
Nagaguwa sa imbestigasyon sang pulisya nga ginkaakig sang suspek ang wala pagpasulod sa iya sang misis sa ila nga balay sa pihak nga gusto sini nga magsulod.
Bangud diri, pwersa nga ginguba ni Rey ang ila nga pirtahan kag sang makasulod, ginbuno ang asawa nga si Olivia.
Sa pihak sang naangkon nga mga samad, nakaguha pa sang balay ang biktima kag nakapangayo sang bulig sa mga kaingud balay nga nagdala sa iya sa ospital.
Samtang naabtan sang mga pulis sa hulot ang duguan nga suspek nga may pilas sa lawas.
Gilayon nga gindala sa ospital ang mister nga ginapatihan ginbuno ang kaugalingon matapos nga bun-on ang asawa.
Nagaguwa nga motibo sa insedente ang away pamilya bangud ginaalegar nga nagaplano na nga magbulagay ang mag-asawa.
