-- ADVERTISEMENT --
ROXAS CITY-Nagreklamo sa Roxas City Police Station ang 40-anyos nga mister matapos nga ginaalegar ginpahog kag gintuyo nga bun-on sang ballpen sang iya kaupod sa trabaho sa Barangay Banica, Roxas City.
Ginkilala ang biktima nga si Noel Tambong, residente sang Poblacion Sur, Ivisan Capiz.
Sandig sa alegasyon sang biktima nga ginpahog ini sang suspek nga si Jimuel Buday, 28-anyos residente sang Barangay Libas, Roxas City makaligad nga ginbutang sini sa record nga absent ang amo nga suspek.
Dugang pa nga alegasyon sang biktima nga gintuyo pa ini nga bun-on sang ballpen sang nasambit nga suspek.
Ginpakamaayo sang biktima nga ipabalhag sa Roxas City Police Station ang amo nga insidente.
-- ADVERTISEMENT --
