ROXAS CITY – Pilason ang 43-anyos nga mister kag ang kabit sini matapos madakpan sa akto ni misis nga nagapakighilawas sa sulod sang ila hulot sa banwa sang Ivisan, Capiz.
Nag-angkon sang pilas sa ulo kag abaga si Alyas Tibor nga confine karon sa ospital matapos ginpukpok sang botelya ang iya nga ulo sang asawa nga si Alyas May sang maaktuhan nga nagapakighilawan sa kabit nga si Alyas Inday.
Sa interview sang Bombo Radyo Roxas kay Police Staff Sergeant Cristina Polunan sang Women and Children Protection Desk sang Ivisan Municipal Police Station, ginpahayag sini nga natabo ang insedente matapos nagpauli sa balay si Alyas May kaupod ang menor de edad nga anak para kuhaon ang telebisyon.
Nagduda ang misis nga magkaupod ang mister kag ang kabit matapos makita ang motorsiklo ni Alyas Inday sa guwa sang ila kanilang bahay.
Ginwahing ni alyas May ang kurtina sang bintana sang kuwarto kag nakita nila sang anak ang mister kag kabit nga nagapakighilawas
Nakasulod sa balay si misis apang wala nakasulod sa ila hulot bangud nagharang si mister gani sa kaakig ni Alyas May nagkuha ini sang botelya kasunod ang pagpukpok sa ulo ni alyas Tibor.
Gintuyo pa nga magpalagyo sang kabit apang nauyatan ini sang menor de edad nga anak sang mag-asawa tobtob makaabot ang nagresponde nga mga pulis.
Suno kay Polunan nga nag-ako si Alyas Inday nga may relasyon sila ni alyas Tibor Apang nagpanindugan nga nagakaon lamang sila sang panyapon kag wala nagapakighilawas kabaliktaran sang alegasyon ni alyas May.
Samtang desidido si ALyas May nga pasakaan sang kaso nga concubinage ang mister kag kabit sini.
