ROXAS CITY – Nagpabalhag sa Roxas City Police Station ang isa ka 50-anyos nga mister matapos nga ginaalegar kapin isa na ka semana nga missing ang iya misis sa Barangay San Jose, Roxas City.
Ginkilala ang nasambit nga mister kay Demetrio Balsote sang nasambit nga lugar.
Sandig sa ginpabalhag sang tagreklamo nga kapin isa na ka semana nga wala nakapauli sa ila balay ang iya misis nga si Josephine B alsote 44-anyos sang amo nga lugar kun sa diin nag-upod lamang ini sa iya abyan nga si alyas Bingkay agud magpangita kuntani sang trabaho.
Apang, suno kay Demetrio nga nakabalik na sa ila barangay si alyas Bingkay apang tubtob subong wala pa nakapauli ang iya misis.
Bangud diri, ginpakamaayo na lamang sang nasambit nga mister nga ipabalhag sa pulisya ang insidente.
