Nagparekord sa pulisya ang isa ka 50 anyos nga lalaki matapos ang ginaalegar pagpangtiro sa iya sa sulod mismo sang balay sini sa Rizal St., Barangay 7, Roxas City.
Ginkilala ang tagreklamo kay Jude Roxas sang nasambit nga lugar.
Sandig sa ginpabalhag sini nga samtang nagalantaw ini sang telebisyon sang hinali nga may naglupok tuga sang armas luthang apang wala ini maigo.
Liwat naman nga nasulit ang pagpangluthang sa ikaduha nga beses apang wala man ini gihapon naigo.
Ginapatihan sang tagreklamo nga si certain Joeven Ignacio, 37 anyos sang Barangay Lawaan sining syudad ang responsable sa pagpangtiro rason nga gilayon ini nga nagpanawag sang responde sa mga katapo sang kapulisan.
Apang sang ulihi, ginpakamaayo nga ginbalik sa lebel sang Barangay ang nasambit nga insidente.
