Mister nagreklamo sa Roxas City Police Station matapos nga ginbay-an kag nag-upod sa iban nga lalaki ang iya nga misis

ROXAS CITY-Nagreklamo sa Roxas City Police Station ang 55-anyos nga mister matapos nga ginaalegar ginbayaan sang misis kag nag-upod sa iban nga lalaki sa Barangay Li-ong, Roxas City.

Ginkilala  ang tagreklamo nga si Rogelio Deviente sang nasambit nga lugar.

Sandig sa ginpabalhag sang tagreklamo ginaalegar sini nga ginsugiran ini sang iya pakaisa nga ang iya asawa nga si Ginalyn Deviente ang nakita nga nagpauli sa balay ni Regie Gakol.

Nagpadulong si Deviente sa balay ni Gakol kag diri nakompirmar nga yara ang presinsya sang iya asawa.

Gintinguhaan pa nga maghusay ang magtimbang nga bahin apang nagpamalibad na lamang ang iya sini nga misis.