-- ADVERTISEMENT --
MAAYON, CAPIZ– Dead on arrival nga gindala sa ospital ang isa ka mister matapos makuryente sa ila nga balay sa Barangay Poblacion Ilawod, Maayon, Capiz.
Ginkilala ang biktima nga si Jade Demingoy, 34 anyos kag residente man sang nasambit nga lugar.
Sa inisyal nga impormasyon nga nakuha sang Bombo Radyo, nagakay-o sang linya sang kuryente sa ila balay ang biktima apang naling-an sini nga patyon ang ila nga main switch.
Posible nga nakauyat ang biktima sa live-wire rason nga nakuryente ini kag nagresulta sa iya nga pagkamatay.
