Mister nga ginaalegar nagatuga sang kinagamo kag nagamaoy, arestado

ROXAS CITY – Ginhunong sa karsel sang Roxas City Police Station ang 32-anyos nga mister matapos nga gilaalegar nagmaoy sa Pavia Street, Barangay IX, Roxas City.

Ginkilala ang arestado nga si Dave Antonio Dela Cruz, sang  Dorado Subdivision, Barangay Inzo Arnaldo Village, sining siyudad.

Suno sa mga kapulisan nga nakabaton sila sang reklamo nga ginaalegar nagmaoy kag nagatuga sang kinagamo ang amo nga person.

Nadiskubrehan nga yara sa idalom sang impluwensiya sang makahulubog nga ilimnon si Dela Cruz.

Sa karon nagapabilin sa karsel sang Roxas City Police Station ang amo nga arestado.