Mister nga nagtiro sa isa ka lalaki bangud sa utang sa banwa sang Tapaz, nagapabilin nga at-large

ROXAS CITY-Padayon nga gina-ayam sang mga kapulisan ang suspetsado nga responsable sa pagtiro sa isa ka lalaki sa Barangay San Jose, Tapaz Capiz.

Matandaan nga madasig nga nagpalagyo ang suspetsado nga si Perfecto Glore matapos nga gintiro ang biktima nga si Angelo Parle lunsay mga residente sang nasambit nga lugar.

Sandig sa inisyal nga imbestigasyon sang Tapaz Municipal Police Station nga nagbinaisay ang biktima kag suspetsado natuhoy sa utang suspetsado sa biktima.

Apang hinali nga nag-gabot sang ginaalegar homemade shotgun ang suspetsado kag gintiro sa abaga ang biktima.

Gilayon nga gindala sa Tapaz District Hospital si Parle apang gintransfer sa isa ka ospital sa siyudad.