Mister nga nagtuga sang kinagamo, ginhunong sa karsel sang Roxas City PNP

ROXAS CITY – Dakop ang isa ka mister matapos nga ginaalegar nagatuga sang kinagamo sa Sitio Ilaya, Barangay Dinginan, Roxas City.

Ginkilala ang nasambit nga mister kay Hiro Buñag 37-anyos sang nasambit nga lugar.

Mahibaluan nga ginreklamo ni Barangay Kagawad Frodencio Aload 73-anyos ang nasambit nga mister nga yara sa idalom sang impluwensya sang makahulubog nga ilimnon kag nagatuga sang kinagamo sa ila nga lugar.

Bangud diri, ginpakamaayo na lamang sang amo nga opisyal nga ipakustodiya ini sa Roxas City Police Station para sa nagakaigo nga disposisyon.