-- ADVERTISEMENT --
Nagpa-rekord sa Roxas City PNP si Maricris Diestro, tiayon sang 40-anyos nga lalaki nga naaksidente sa motorsiklo sa Barangay Adlawan, Roxas City.
Sandig sa report nga nagapauli na ang biktima nga si Leonel Diestro sang Barangay Intampilan, Panitan sakay sa iya motorsiklo apang pag-abot sa Barangay Adlawan, hinali nga nagtabuk ang ido.
Bangud diri nadulaan sang kontrol kag natumba ang ginamaneho nga motor ni Diestro rason para mag-angkon ini sang kapilasan sa magkatuhay nga bahin sang lawas.
Gilayon nga gindala sa ospital ang biktima para madapatan sang pagbulong ang naangkon nga pilas sa lawas.
