Wala nahusay sa barangay ang natabo nga pagpanglabo sang isa ka ginang isa bana sa sitio Ibilan, Barangay Maninang, Sapian Capiz.
Suno kay Punong Barangay Gregorio Labanza Jr. nga ginpatawag sini sa barangay ang mag-asawa nga sanday Romeo kag Romelyn Alayon apang wala nagpahusay ang mister.
Ginapanindugan sang nga wala sini ginhatagan sang kwarta si Romelyn sang nabaton sini nga P6, 000 sa idalom sang Social Amelioration Program (SAP) bangud madugay na sila nga wala naga-upod.
Bangud sini suno kay Romeo, naakig ang iya misis kag ginlabo siya sang makaduha ka beses sa lawas.
Samtang nagdepensa naman si Romelyn sa paglabo sini sa mister sang mainterview sang Bombo Radyo.
Suno kay Romelyn nga nangdulom ang iya mata kag ginlabo ang mister matapos nga ginsakit siya sang nagpangayo ini sang kwarta.
Samtang desidido naman si Romeo nga magpasaka sang panumbongon batuk sa iya asawa.
