Mister pilason matapos aksidente bumunggo ang ginamaneho nga motorsiklo sa isa ka salakyan

ROXAS CITY – Pilason ang isa ka 40 anyos nga mister matapos nagbunggo ang iya sini motorsiklo sa isa ka salakyan sa bahin sang Barangay Lawaan, Roxas City.

Ang nasambit nga driver sang motorsiklo ang ginkilala kay Franz Patricio, 40 anyos sang Barangay VII, Roxas City.

Base sa imbestigasyon nga samtang ginasubay sang driver sang salakyan nga si Rolando Rivera, 54 anyos sang Brgy Lawaan, Roxas City ang dalanon gikan sa Rotunda padulong sa Pueblo De Panay Terminal sang hinali na lamang ini nga ginbungguan sang motorsiklo ni Patricio sa diin ginasubay ang opposite nga direksyon.

Nag-apply man sang break ang driver sang motorsiklo apang wala nasapar rason nga nagbunggo ini sa salakyan.

Bangud diri, nag-angkon sang kapilasan sa lawas ang driver sang motorsiklo nga madasig naman gindapatan sang nagakaigo nga pagbulong.