Mister, pilason matapos ginlabu sa Pontevedra

PONTEVEDRA, CAPIZ – Pilason ang isa ka mister matapos ginlabo sa Barangay Hipona, Pontevedra, Capiz.

Ginkilala ang biktima nga si Anecito Codis, 39 anyos sang nasambit man nga lugar.

Base sa inisyal nga impormasyon nga nakuha sang Bombo Radyo sa Pontevedra Municipal Police Station, nakit-an sang biktima ang iya tiayon kaupod ang suspek nga si Alex Bengaura, 35 anyos sang Barangay Marita, sang nasambit nga banwa.

Posible nga nagselos ang biktima rason nga ginsumbag sini si Bengaura.

Apang nagbalos ang suspek kag ginlabu sini ang biktima sa likod.

Gilayon nga gindala sa Bailan District Hospital ang biktima agud madapatan sang nagakaigo nga pagbulong.

Madasig naman nga nagpalagyo ang suspek matapos ang insidente.