Mister pilason matapos nakabunggo sang layaw nga ido sa Barangay Culasi, Roxas City

ROXAS CITY– Pilason ang 54-anyos nga mister matapos nga nakabunggo sang layaw nga ido ang ginamaneho nga motorsiklo sa Barangay Culasi, Roxas City.

Ginkilala ang biktima nga si Ramilo Villanueva residente sang Km.3, Barangay Lawaan sining siyudad.

Sandig sa inisyal nga imbestigasyon sang mga kapulisan nga samtang ginasubay sang biktima ang dalanon sakay sa iya nga motorsiklo, aksidente sini nga nabungguan ang layaw nga ido nga hinali na lamang nga nagtabok sa dalan.

Bangud diri, nadulaan ini sang kontrol sa pagmaneho rason nga natumba ini sa dalan.

Nag-angkon naman sang pilas sa magkatuhay nga porsyon sang kalawasan ang biktima apang nagpamaliban naman nga magpadangat sa ospital.