-- ADVERTISEMENT --
ROXAS CITY-Padayon nga ginabulong sa ospital ang 56-anyos nga mister matapos nga bumaliskad ang motorisklo nga ginamaneho sa Barangay Cogon, Panay Capiz.
Ginkilala ang biktima nga si Rafael Biclar, residente sang Sitio Sumiga, Barangay Milibili Roxas City.
Sandig sa inisyal nga imbestigasyon sang Panay Municipal Police Station nga samtang ginasubay sang biktima ang dalan, aksidente sini nga nakablit ang hand-brake rason nga nadulaan ini sang kontrol sa manibela kag dalayon nga natumba sa dalan.
Nakaangkon sang pilas sa magkatuhay nga porsyon sang kalawasan ang biktima nga gindala sang Capiz Emergency Response Team (CERT) sa ospital.
