Nakataas sa karon sa general alert ang gobyerno sang Congo bangud sa paglapta sang misteryoso nga flu-like disease matapos ang pagkapatay sang pila ka indibidwal.
Suno sa Health ministry sang Congo, nga naglab-ot na sa 71 ka tawo ang kumpirmado nga napatay bangud sa amu nga balatian.
Ginakalakipan ini sang 27 ka indibidwal ang napatay sa balay-bululngan samtang may 44 naman ang napatay sa ila mismo nga balay sa Kwango province.
Sa nasambit nga numero sang napatay sa ospital, pulo (10) sa ila ang bangud sa kakulangan sang dugo samtang 17 ang nag-angkon sang respiratory problems.
Kadam-an sa mga biktima ang nakaeksperyensya sang mga sintomas kasubong sang lagnat, pagpalanakit sang ulo, grabe nga ubo kag anemia.
Nagkuha na ang mga epidemiological experts sang mga samples kag ila na nga pagaimbestigaran na ang nasambit nga sakit.
Matandaan nga sadtong mga nakaligad nga bulan, gindeklarar ang mpox epidemic sa Congo kun sa diin may yara sang 47,000 nga kaso ang na-record, may masobra 1,000 ka tawo ang napatay sa nasambit nga balatian.
