Miswa kag sardinas nga ginluto sang isa ka iloy, wala ginkaon sang anak

Sa adlaw-adlaw nga ginhimo sang maka-ako, ginasiguro sang mga ginikanan nga mapreparahan sang pagkaon ang ila pamilya.

Apang sa pihak sang kakapoy kabudlay sa pag-budget, tuman nga nasakitan ang isa ka iloy matapos wala maluyagan sang iya anak ang ginluto sini nga sud-an.

Sa isa ka facebook post, ginpakigbahin sang utod sini ang ginbatyag sang iya iloy matapos makit-an nga nagakaon nga naga-isahanon.

Suno sa nagpost sa iya pagpamangkot sa iya iloy, wala suno diri naluyagan sang iya utod ang ginluto sini nga miswa nga may lakot nga sardinas.

Bangud diri, apisar nga wala pa siya suno diri nakabatyag sang gutom nagkuha siya sang plato kag gin-updan nga magkaon ang iya iloy kag ginsilingan nga manami ang sabor rason agud magbalos ini sang yuhom.