TAPAZ CAPIZ – Boluntaryo nga nagsungka sa kapulisan sang Tapaz ang isa ka lalaki nga nagpakilala anay katapo sang Communist Terrorist Group (CTG).
Sandig sa impormasyon nga nagikan sa Tapaz Municipal Police Station, ginpahayag nga nagpadulong sa ila istasyon ang wala na ginhingadlan nga persona kag ginapahayag nagsulod sa organisasyon sadtong Hulyo tuig 2020 tubtob Pebrero 2024 kag nagserbe bilang courier kag informant sa idalum sang Front 14, Igabon Platoon, Komiteng Rehiyon- Panay.
Suno diri nagdesider nga magsungka sa otoridad agud untatan na ang pagsuporta sa rebelde nga grupo bangud nareyalisar nga madugay na ini nga ginatiplang sang NPA.
Sa karon, yara na sa paghinakop sang Tapaz PNP ang nasambit persona para sa nagakaigo nga disposisyon.
