ROXAS CITY – Arestado ang isa sa tatlo ka miyembro sang Salisi gang nga dyutayan lamang madala sa pagpalagyo ang sling bag sang isa ka negosyante sa Teodoro Arcenas Trade Center.
Ginkilala ang suspek nga si Ferdie Tañada 27-anyos sang Tondo, Manila.
Suno kay Mr. Romeo Jun Costelo sang Andrada Subdivision, Barangay Banica, tag-iya sang tindahan sa TATC nga may duha ka mga lalaki nga nagkadto sa ila pwesto sa tindahan kag nagpamangkot sa iya misis.
Bangud kustomer kag magabakal sang ila nga baligya, ginbutang sang ginang ang sling bag sa pulungkuan sa sulod sang tindahan kag gin-atubang ang lalaki nga nagbakal sang chichiria.
Apang hinali lamang nga nagpamangkot ang isa ka lalaki sa presyo sang bugas.
Kasunod sang pagtalikod sang ginang ang pagtuyo nga pagkuha ni Tañada sang sling bag apang nakita ini sang negosyante kadngan ang iya pagsinggit para makakuha sang atensyon sang iban tawo.
Sa pagkataranta sang suspek hinali na lamang sini nga ginbilin ang bag kag nagdalagan, apang malas sini bangud nakorner ini sang mga matadero sa meat section sang TATC.
Nahibaluan nga igadeposito kuntani ang nasambit nga kuwarta nga gikan sa benta nga natipon sang nagligad pa nga Biyernes.
