Ginpahayag ni Metropolitan Manila Development Authority (MMDA) General Manager Nicolas Torre III nga kinahanglan na nga i-upgrade ang mga pumping station sa Metro Manila agud mas epektibo nga makasabat sa mabaskog nga pagbaha.
Suno kay Torre III, kinahanglan na sang mas mabaskog kag mas daku nga mga pasilidad agud makasabay sa nagadaku nga kadamuon sang tubig bangud sa mas mabaskog nga pag-ulan.
Ginbuyagyag sang opisyal nga pila sa kabug-usan nga 73 ka pumping station sang MMDA ang medyo “nabulunan” ukon nabudlayan bangud sa kadamuon sang tubig kag basura, bisan pa nga napagana man gihapon ini sang ulihi.
Apang nagpaandam siya nga posible nga indi na makaya sang subong nga mga kagamitan kon magbaskog pa kag maglawig ang pag-ulan, bangud mahimo nga madula na ang “window time” ukon nagakaigo nga tion sang mga empleyado para makahimo sang pag-ayo ukon repair.
Bangud sini, ginpahibalo man ni Torre III ang importansya sang pagkabaton sang mga backup facility agud masiguro ang kahandaan sang gobyerno sa mga wala ginapaabot nga sitwasyon.
