MANILA, Philippines – Naghingyo ang Metropolitan Manila Development Authority “MMDA”, sa National Bureau of Investigation “NBI”, agud imbestigaran ang nagalapta nga scam ukon modus nga nagagamit sang No Contact Apprehension Policy “NCAP”.
Sa ginpagwa nga pahayag ni MMDA Chairperson Romando “Don” Artes kunsa diin personal siya nga nagkadto sa opisina ni NBI Director Melvin Matibag matapos makabaton sang kapin 180 ka reklamo may kaangtanan sa modus nga narekord sang nagligad nga
semana.
Suno kay Artes wala sang bisan ano nga link nga ginapadala ang MMDA sa ila text notifications para sa naglapas sa NCAP kag wala man sila nagapanukot sang dugang nga penalidad bangud sa na-late nga pagbayad.
Samtang base sa MMDA chairperson, P1,000 ang masami nga ginapangayo sang scammers kun sa diin nakita nga may paglapas ini sa NCAP.
Dugang pa sang natungdan nga naghingyo man sila sa Department of Information and Communications Technology “DICT”, agud ma-block ang website nga gingamit sa scam kag magtipon na sila sang mga ebidensya antes sila nagpangayo sang imbestigasyon sa NBI.
Sa pihak nga bahin, ginpahayag ni NBI Director Matibag ang Cybercrime Division sang ahensya ang magaimbestigar sa kaso kag makigkoordinar sa iban pa nga ahensya, samtang nag-aksyon naman ang Cybercrime Investigation and Coordinating Center “CICC”, batok sa website nga ginapatihan ginagamit sang scammers.
